Amedeo Baçi është autor i një opusi romanesh që marrin shkas nga realiteti dhe subjekte jashtë tij, të ngjizura me imagjinatë e fantazi në laboratorin e krijimtarisë letrare. Ndonëse ka filluar të shkruaj vonë, numri i romaneve të botuara është vërtet impresionues, çfarë e bën atë kompetitiv dhe të veçantë në botën e magjishme të letërsisë. Në cilësinë e shkrimtarit profesionist, gjinia e romanit në prozën e gjatë artistike, tashmë është kthyer një mision ndërkombëtar. Ai është i vetmi shkrimtar në botë që ka botuar një sagë romanore prej dymbëdhjetë trilogjish me jetërrëfime nga historia personale, një pjesë e të cilave janë shkruar në mjediset penitenciare pas një ndëshkimi të dhënë në mungesë nga drejtësia e korruptuar shqiptare, kur një segment i administratës së lartë shtetërore fut në kurth dhe intrigon pjesën tjetër, Prokurorinë e Republikës. Por pikërisht në zgafellet e errëta të qelive, falë “armikut” që ndezi eshkën e hakmarrjes, rilindi pasioni i vjetër mbi rrëfimin...
Amedeo Baçi është shpallur për pesë vjet radhazi (2015, 2016, 2017, 2018, 2019) si shkrimtari më i mirë i vitit në Shqipëri, dy herë nga gazeta me e madhe letrare “Nacional”, pjesë e “Media-Group Nacional” dhe tre herë nga revista prestigjoze Obelisk në zhanrin e prozës së gjatë artistike. Në vitin 2019, ai ka thyer rekordin ndërkombëtar të mbajtur deri atëherë nga shkrimtarja angleze Barbara Cartland, e cila në vitin 1976 kishte shkruar 23 romane në harkun e një viti, ndërkohë që autori në fjalë shkroi dhe botoi 24. Krijimtaria letrare e Baçit është vlerësuar me çmime prestigjioze letrare jashtë vendit. "Between Heartaches and Love", botuar nga "Page Publishing" of New York, e para nga dhjetë trilogjitë, "Mes dhimbjes dhe dashurisë" është një jetërrëfim dramatik. Lexuesit përjetojnë dashuritë dhe tmerret e saj që nga fëmijëria në adoleshencë, e deri në vitet në vijim. Autori i mirënjohur përdor përvojat e jetës reale të gërshetuara me imagjinatën dhe fantazinë për të krijuar botën e tij dhe audiencës së vet.
Saga romanore e shkrimtarit është konceptuar në mbi dymbëdhjetë trilogji dhe mbetet e hapur. Romanet e natyrës autobiografike me përjetime reale, janë mjeshtërisht të përpunuara në laboratorin artistik të shkrimtarit, ku ngjarjet apo episodet që lidhen me personazhin kryesor të historisë personale dhe të tjerë që hyjnë e dalin në shtjellën e ngjarjeve, derdhen me koherencë dhe zotësi artistike të rrallë në formën e jetërrëfimit të romanizuar. Ngjarjet në odisenë romanore janë të përjetuara në udhën e jetës së shkrimtarit si personazh kryesor alterego dhe, në këtë kuptim, ato janë përshkruar ashtu siç janë jetuar në realitetin e kohës. Edhe pse nuk mungojnë elementët biografikë, nuk kemi të bëjmë me libra kujtimesh të stilit memorial me përshkrime të mirëfillta autobiografike që lidhen më heroin e romanit, gjenezën apo shtrirjen kapilare të trungut familjar, por me një krijimtari të mirëfilltë artistike që përshkon gjithë opusin letrar në kapitujt përvijues, përgjatë një historie të larmishme, sa të dhimbshme e dramatike, aq të bukur dhe intriguese. Përveç librave me trend autobiografik, autori ka botuar një numër të konsiderueshëm romanesh me tematika të ndryshme jetësore. Dhjetë librat e parë të autorit janë shkruar në kushtet e izolimit penitenciar mes Italisë dhe Shqipërisë, si pasojë e një ndëshkimi të padrejtë afro pesëvjeçar, rrjedhojë e intrigave politiko-juridike të kohës, përjetuar në vitet e postdiktaturës.
Amedeo Baçi
Titujt e romaneve të shkruara nga shkrimtari, nëpërmjet botimeve AmedeoPlanet, vijojnë si më poshtë:
Amedeo Baçi
Amedeo Baçi është shkrimtari më produktiv shqiptar i të gjitha kohërave dhe ndër më prodhimtarët në botë të shekullit XXI. Krijimet e para artistike panë dritën e botimit nga fundi i vitit 2013, në moshën pesëdhjetëvjeçare. Si lëvrues i zellshëm i prozës së gjatë artistike, në gjininë e romanit, autori numëron një opus të konsiderueshëm veprash letrare nga historia personale dhe subjekte të ndryshme jetësore, një pjesë e të cilëve të përkthyera në disa gjuhë të huaja. Studiuesja dhe kritikja letrare prof.dok. Klara Kodra e ka quajtur romancierin “Një shfaqje e befasishme e neoromantizmit në letrat shqipe. Proza e tij është e denjë për të qenë në avangardë të letërsisë botërore të realizimit romantik”. Ai lindi më 15 qershor 1963 në Bushat të Shkodrës, Shqipëri. Me origjinë përmetare, aktualisht jeton mes Tiranës dhe disa kryeqyteteve evropiane.
Arsimimi
1963-1969
Edukimi parashkollor çerdhe-kopshti “Shtëpitë e reja”, Bushat.
1969-1981
Arsimi fillor, tetëvjeçar dhe i mesëm, shkolla “Gjon Ndoci” në Bushat.
1982-1985; 1985-1987
“Akademia e Rendit Publik” Tiranë, i diplomuar në degën e Sigurimit dhe Policisë së Shtetit.
1991-1995
Universiteti i Tiranës, “Fakulteti i Jurisprudencës”, diploma jurist.
Universiteti i Tiranës, “Fakulteti Histori-Filologji”, Dega e Gjuhëve të Huaja, dëshmi në gjuhët frënge, spanjolle dhe italiane. Njohës i gjuhëve gjermane dhe angleze.
1992-1993
Specializim profesional në Lion të Francës, dëshmi e “Oficerit të Interpolit”.
2000-2001
Specializime brenda dhe jashtë vendit në fushën e luftës kundër krimit të organizuar .
2001-2002
Formim profesional në fushën e informatikës “Scuole Generali” dëshmi “Operatore Office Automation Windows, Office 2000 , Internet” në Milano të Italisë.
2002-2003
Formim profesional në fushën e administrim biznesit; Formim në fushën e turizmit dhe sigurimit të jetës nga shoqëria “Progetto Europa” në Milano.
2003-2004
Formim profesional në fushën imobiliare dhe bankare me shoqërinë “Pronto Mutuo” në Lenjano, (Mi) të Italisë.
2004-2005
Formim profesional në fushën e sigurimeve me shoqërinë “Generali Assicurazioni” në Lenjano, (Mi) të Italisë.
2005-2006
Formim profesional në fushën ndërtimore, dëshmi “Responsabile del servizio di prevenzione e protezione” në Vareze të Italisë.
2006-2007
Formim profesional në fushën e ndërmjetësimeve imobiliare dhe financiare pranë instituteve kredidhënëse, i regjistruar në rolin e ndërmjetësit për operacione financiare nga enti përkatës “Ufficio Italiano dei Cambi” me seli në Romë.
2007-2008
Formim profesional në fushën e menaxhimit të emigracionit pranë “Anolf” në Busto-Arsizio (Va), Itali.
2002-2003
Master universitar në “Kërkimin dhe zgjedhjen e personelit”, fusha e burimeve njerëzore, organizuar nga universiteti “Carlo Cattaneo”, (VA) dhe Assores.
2003-2004
Master universitar në formimin e personelit “Ekspert në menaxhimin e proceseve informative” organizuar nga ISMO dhe LIULM (Universiteti i gjuhëve dhe komunikimeve në Milano).
2004-2005
Master universitar në “Drejtimin e personelit” pranë LIUC, Libero Istituto Universitario Carlo Cattaneo, (Instituti i Lirë Universitar, Karlo Kataneo), (VA).
Përvoja profesionale
(1985-1993; 1993-2008)
1985-1990
Dega e Punëve të Brendshme Mirditë, inspektor i mbrojtjes së ekonomisë.
1990-1991
Ministria e Rendit Publik, sektori i shërbimit shkencor.
1991-1993
Ministria e Rendit Publik, inspektor dhe drejtues i shërbimit të Interpolit.
1994-1999
Koncesionar i grupit automobilistik “Peugeot-Sodexa” në Tiranë, President dhe Top Manager i shoqërive tregtare “Univers” në Tiranë, “Gloria” në Itali dhe “Lentimeks” në Gjenevë të Zvicrës, me objekt veprimtarie tregtinë e karburanteve me shumicë e pakicë, shitjen e pjesëve të këmbimit, autoveturave, shërbime hotelerie, bar-restorant, pishina, aktivitete ndërtimore dhe import-eksport.
2002-2008
Koordinator i shoqërisë “Global Europe”, në fushën turistike dhe sigurimeve (Wintertour) në Milano dhe bashkëpunëtor i jashtëm i “Generali Assicurazioni” në Lenjano (Mi).
2003-2008
Administrator i dy shoqërive ndërtimore dhe imobiliare në Itali; ndërmjetësues për shërbimet në operacionet financiare mes individëve e kompanive private dhe bankare e shoqërive financiare.
Profesion i lirë si shkrimtar:
(2013 e në vazhdim… )
2015
Çmimi i shkrimtarit më të mirë të vitit në prozën e gjatë artistike nga gazeta më e madhe letrare në vend “Nacional”.
2016
Çmimi i shkrimtarit më të mirë të vitit në prozën e gjatë artistike nga gazeta letrare “Nacional”.
2017
Çmimi i shkrimtarit më të mirë të vitit në prozën e gjatë artistike nga revista prestigjioze letrare “Obelisk”.
2018
Çmimi i shkrimtarit më të mirë të vitit në prozën e gjatë artistike nga revista letrare “Obelisk”.
28 Gusht 2018
Fitues i çmimit më të madh që në fillimet e karrierës si shkrimtar profesionist jashtë vendit, mbas përkthimit dhe botimit në gjuhën angleze në SH.B.A. të romanit të parë “Mes dhimbjes dhe dashurisë” (“Between Heartaches and Love”), në kategorinë e romanit romantik më të mirë për vitin 2018, (“The Best Romantic Novel”) nga organizimi më i lartë letrar NABE (National Association of Book Entrepreneurs) “Pinnacle Book Achievement Award”.
2019
Çmimi i shkrimtarit më të mirë të vitit në prozën e gjatë artistike nga revista letrare “Obelisk”.
2019
Thyerje e rekordit të shkrimtares angleze Barbara Cartland, e cila në vitin 1976 shkroi 23 romane në harkun e një viti, ndërkohë që shkrimtari shkroi dhe botoi 24 të tillë.
2020-2021
Vlerësime nga kritika letrare amerikane për romanin “Mes dhimbjes dhe dashurisë”.
22 mars 2021
Certifikatë “Book Excellence” për romanin “Mes Dhimbjes dhe Dashurisë”, Lyttle A. Cadre CEO, Literary Prestige Award, nga Filmways Pictures LTD.
2 maj 2021
Medaljoni “Princ Muzaka”, nga Shoqata Letrare Artistike “Princ Muzaka”.
2022
Krijimi i Website personal amedeobaci.al dhe Wikipedias në gjuhën shqipe, angleze dhe italiane.
*Romane të tjerë të autorit janë në proces korrektimi, redaktimi dhe printimi. Përditësimi i tyre do të pasqyrohet në Wikipedia dhe Website e autorit në dinamikën e zhvillimit letrar.